අනුරාධපුර දිස්ත්‍රික්කයේ වකුගඩු රෝගය පැතිර යාම වැළැක්වීම සඳහා ජල පෙරන යන්ත්‍රයක් සවි කිරීමට රුපියල් ලක්ෂ 15ක මුදලක් ලබා දීමට ශ්‍රී ලංකා චීන බෞද්ධ මිත්‍රත්ව සංගමය පියවර ගෙන ඇත. ඊට අදාළ චෙක්පත අද (12) පෙරවරුවේ බුද්ධ ශාසන අමාත්‍ය විජේදාස රාජපක්ෂ මහතාට බාර දීම ශ්‍රී ලංකා චීන බෞද්ධ මිත්‍රත්ව සංගමයේ සභාපති සුමති ධර්ම වර්ධන මහතා අතින් එම අමාත්‍යංශයේදී සිදු කෙරුණි.
අමාත්‍යවරයා එම චෙක්පත ජල පෙරන යන්ත්‍රය සවිකිරීම බාරව කටයුතු කරන නාවික හමුදාවේ කපිතාන් ප්‍රියංකර දිසානායක මහතාට භාරදුන්නේය.
ජල පෙරන යන්ත්‍රය සවිකිරීමට නියමිත රඹෑව, වහගොල්ලෑගම බෝධිරුක්ඛාරාමාධිපති මිහින්තලේ සීල රතන හිමියන් ඇතුළු බුද්ධ ශාසන අමාත්‍යංශයේ ලේකම් චන්ද්‍ර ප්‍රේම ගමගේ, ශ්‍රී ලංකා චීන බෞද්ධ මිත්‍රත්ව සංගමයේ උප සභාපති වරුන් වන අජිත් ධර්මවර්ධන, සුසන්ත බාල පටබැදි, ප්‍රධාන ලේකම් කර්නල් සුදත් මඩුගල්ලේ, උප ලේකම් අරුණද සිල්වා, භාණ්ඩාගාරික ප්‍රබෝධනී මාරසිංහ, නියෝජ්‍ය භාණ්ඩාගාරික මේජර් චන්ද්‍රසිරි විජේරත්න යන මහත්ම මහත්මීන්ද මෙම අවස්ථාවට සහභාගි වූහ.
About terms & conditions FAQ